Русская Идея

Фридом Финанс отзывы. Котировки онлайн: лидеры роста.

Канон составлен по поручению митрополита Виталия, Первоиерарха Русской Православной Церкви за границей, в качестве дополнения к имеющейся Службе Святым. До утверждения Архиерейским Синодом РПЦЗ настоящий канон предлагается только для келейного чтения.

Глас 6

Песнь 1. Ирмос: Яко по суху...

Пение хвалебное и моление усердное святым Царственным страстотерпцем приносяще умиленно Господа просим подати нам сокрушение сердечное и уста наша Духом исполнити.

Яко крест страдальчества восприял еси скиптр Царства Российского, вражией завистью уже колеблема и близ падения бывшаго, егоже удержати, святе Николае тщался еси. К языку чуждему и людем незнаемым ты пришла еси. Божественному Промыслу повинувшися и страдания чашу с народом сим испила еси, святая Царице Александре.

БОГОРОДИЧЕН: Не отрини слез и воздыхания нашего, святая Богородице, но земли нашей овдовевшей и народу осиротевшу Сама Царица и Владычица буди.

Песнь 3. Ирмос: Несть свят...

Дмение мiрское и славу суетную презрев, сокровище некрадомое в жизнь вечную собирал еси, святе Царю во вся дни жития твоего на земли и ныне в Небесных селениих со Христом царствуеши.

Еда туне чтит Господа Царь Николай, не Ты ли Сам обогатил и возвеличил еси его царство, - тако древний клеветник хвалитися над тобою мняше пред Господем, но якоже праведным Иовом древле, тако и тобою ныне побежден со студом бежаше.

Гордость житейскую поправше, Христа паче всех взыскала еси, и еже волю Его сотворити тщалася, святая Венценосице, темже и Той вместо тленнаго нетленным венцом украси Тя.

БОГОРОДИЧЕН: Прииди в помощь людем безответным, Владычице, во благополучием житии нечувственным, в скорби же унывающим, и укрепи милостию Твоею души изнемогшия.

Песнь 4. Ирмос: Христос моя сила...

Константинову веру и Феодосиеву кротость Христос тебе дарова, святе Николае, и Маврикиева страдания причастника тя содела, ты же достойно лик святых Царей на Небеси восполнил еси.

Коснися костем царевым, сокруши державу его на земли, аще в лице Тя благословит, - вопияше мучитель древний Царю царствующих, посрамление свое от Иова многострадальнаго позабывый.

Чистотою и незлобием Господеви угодисте, кротостию и милостию мучителей суровство умягчисте, страданием же и кровию своею Небеса отверзли есте, родителей святых чада боголюбезнейшия.

БОГОРОДИЧЕН: Посети, Владычице, озлобление наше, милости Твоя, отцем нашим дарованныя не попусти забыта и покаянию тех сподоби поревновати.

Песнь 5. Ирмос: Божиим светом...

Се все достояние царево тебе, враже, предаю, точию души его не коснешися, - сице бысть попущение Владычне о рабе Своем венценосном, - да истощится всуе тул твой и крепость твоя сокрушится, срящеши бо доблестна ратоборца Моего, главу твою попирающа.

Что мне злато гибнущее, что мне власть и преобладание, что мне дружество человек мятежных, - вся сон и тление, ничим же от сих порабощен бых, благая вся восприявше от Господа, злых ли не стерплю, - сице глаголал еси, святый страстотерпче.

Иовли жены малодушие отвергла еси, Александре святая: благослови Господа в скорби твоей и жив с Ним вечно буди, - тако во утешение мужеви вопияла еси.

БОГОРОДИЧЕН: Мати Света, Царице Небесная, Царственных страстотерпцев в скорби утешавшая и нам подаждь силы сокрушение земнаго отечества претерпети до конца и спасенным быти.

Песнь 6. Ирмос: Житейское море...

Меч в защиту свою и власти моея не подыму, ни един мене ради погибнет, и аще к погибели тщитеся - своею волею мятежною поспешаете, чист есмь от крове вашея.

Аще жертва за грехи людей русских паки потребна есть, аз ныне жрен бываю, - сицево бо есть первенство мое в роде сем, яко волею Вышняго Царствующаго.

От младенства твоего недуг тяжкий нося, терпению навыкл еси, святый отроче Алексие, волю Божию, аки свою исполнити желая, диадимы царския беззаконно лишенный вместо тоя сугубый венец чистоты и страдальчества приял еси.

Душам вашим смиренным даде Господь покой в час смертный, внят молитве вашей, юже в сердцах чистых принесосте, Царственнии отроковицы, у преддверия могилы за врагов своих кротко молившияся.

БОГОРОДИЧЕН: Кресту Сына Твоего предстоявшая, Святая Владычице, всякую скорбь нашу веси, всякую слезу отираеши и воздыхание слышиши и всем в помощь поспешаеши призывающим Тя.

Песнь 7. Ирмос: Росодательну убо пещь...

Всеми ранами и скорбьми Иова искусивый точию узами не отяготи его, ихже тебе, Царю Николае уготова, яко да престанеши пети: благословен еси Боже отец наших.

Смягчение сердец стражей темничных видя, кротостию твоею укрощенных, новых зверообразных мучителей на тя воздвиже вселукавый от древняго сонма пророко-убийственнаго, ты же не престал еси вопити: благословен еси Боже отец наших.

Иже Царя Небеснаго ко кресту пригвоздивших исчадия равнозлобнии на земнаго Царя благовернаго всею лютостию отчею вооружишася и детей неповинных смертной муце предаша, не преставших вопити: благословен еси Боже отец наших.

БОГОРОДИЧЕН: Согрешивше и по делом нашим наказани бывше, како Сына Твоего умолити не вемы, аще не Ты, Всепетая Мати ходатайства Твоего Матерняго всесильна употребиши.

Песнь 8. Ирмос: Из пламене росу...

Авситидийстему страдальцу ревнуя, Господь даде Царство, Господь и отъят, - вопиял еси святе Царю Николае, - на гноище поношений и во узилище смертном седя, - буди имя Его благословенно во веки.

Отдалече тебе сташа ближний твои, святе Царю, не познаша, яко ты истинный отец людем твоим был еси, с тобою и Небеснаго Отца презреша и своеволием своим наказани быша, не ведуще пети Господеви: Тя превозносим во вся веки.

Яко истинная Мати людем русским сущи, Александре блаженная, отечество земное оставльши, скорби множества новых чад твоих благодушно понесла еси и лютую неблагодарность, аки некую похвалу вменила еси, Господеви поюще: Тя превозносим во вся веки.

БОГОРОДИЧЕН: О страдании святых венценосцев умилившимся, подаждь и нам, о Владычице всепетая, тех терпение в скорбех, да плод духовный принесет нам всякая скорбь наша, превозносящим Господа во веки.

Песнь 9. Ирмос: Бога человеком...

Внял ли еси, враже, на раба Моего Николая, образ владычества Моего на земли носившаго, якоже несть ин человек, якоже он в житии: преподобен, честен, незлобив, от всякия злыя вещи удаляяся, последи же душу свою о людех положивый, твою же гордыню паки купно со Иовом посрамивый.

Радуйся, святый Венценосче, страдати за люди твоя изволивый, благослови бо Господь последняя твоя паче первых, обрел бо еси паки в воскресении супружницу и чада твоя, и богатство истинное, и честь неотъемлему, и славу неувядаему.

В телесех юных разум совершенный стяжавше, чистоту же детскую сохранивше, в житницу небесную яко зрелый клас посечением смертным прияты бысте, но и нас, молящихся вам не оставите.

БОГОРОДИЧЕН: Осиротевшую державу Российскую никакоже оставила еси, Владьгаице Небесная, Местоблюстительнице престола Царскаго, не лиши поющих Тя и Небеснаго Царствия.